قبل الجواز و بعده

الإختلاف كبير جدا..

كبير لدرجة تخوف..

القاهرة - الساعة العاشرة ليلا - ليل داخلي

حووووسسااههه (حسام بس بصوت نايم شوية) صاحي

حوووسااااااااااااااااااههههههههه (حسام برضه بس بصوت يرج البيت) صاحي

أااه .. اييه؟!! أه.. طبعا صاحي..

ايه ده؟!! انت نمت كالعادة؟؟

لا.. صاحي.. صاحي..

هو انت كل يوم ترجعلى م الشغل و نيجي نتفرج على فيلم تقعد تنام كده؟؟ أنا زهقت.. فين أيام ما كنا مخطوبين و كانت عينيك بتبقى مفنجله و انت عندنا في البيت و لاقط كل كبيرة و صغيرة..

الأمور اختلفت..

اختلفت ازاي يعني؟

قومي بصي في المراية و اقفي على الميزان و انتي تعرفي الفرق..

أنا هعديلك بصي في المراية دي، بس أنا قلتلك كام مرة متجيبش سيرة الميزان ده على لسانك و خصوصا انوا بايظ..

بايظ ازاي؟

الوزن عليه أكبر من أي مكان تاني!! و بعدين انت اللي مش طبيعي.. أنا مش عارفة انت بتخس ازاي كده.. انت لازم تروح لدوكتور.. دانتا بتاكل ذي الجراد..

أه.. هعمل دايت بالمقلوب..

أنا واثقة في نفسي.. و رأيك مش مهم..

هنا بس حسام فاق و افتكر الفرق بين قبل الجواز و بعده.. و أفكاره كلها تتلخص في الكام صورة اللي تحت دوول..

لو عايز تتابع أكتر، زور موقعنا على الانترنت : http://www.eggag.com/

اليوم السابع و قالشة جامدة

قرأت اليوم صباحا هذا الخبر في اليوم السابع .. و سأقوم بالتعليق عليه بخط سميك

يحتفى صباح اليوم محرك البحث الشهير جوجل بالذكرى الـ 119 لأول آيس كريم مثلجات صنداى، وذلك بوضع شعاره صورة آيس كريم.

لحد هنا خبر عادي ممكن يكون موجود في جريدة و حلو جدا

كما أن المثلجات هى عبارة عن حلوى مجمدة معدة من الحليب أو من الماء و السكر وقد يضاف إليه الفاكهة، وهى ما يطلق عليها فى بعض اللهجات الآيس كريم أو البوظة أو الچيلاتى، قد تصنع أيضاً من الفاكهة المجمدة أو من عصير الفاكهة.

بدأ المستوى ينزل شوية نتيجة لأن صاحب الخبر مش لاقي حاجة يقولها

يذكر أن طريقة العمل تخفق الكريمة مع الحليب السائل والحليب الجاف ، ومن ثم نضيف البيض على الخليط ونقوم بطحن المستكة وإضافتها إلى الخليط نضيف النكهة والسكر. نضيف المكسرات "حسب الرغبة" ويتم تحريك الخليط جيدا.

المستوى بقى في الأرض و بدأت أحس اني أمام الشيف حسن أو الشيف شربيني بتاع قناة الحياة

ويوجد أنواع منها الدوندرومة (وتعنى "مثلجة") هى اسم يُطلق على البوظة فى تركيا. وتحتوى الدوندورمة على لبن مجفف وسكر وسحلب ومستكة، وربما يَكون موطنها الأصلى الذى اُخذت منه هو منطقة "كهرمانمارش".

المستوى بقى في الحضيض خالص و لا تعليق

و جملة "وربما يَكون موطنها الأصلى الذى اُخذت منه هو منطقة "كهرمانمارش"

ايه الجملة دي .. و ايه ربما دي و ايه كهرمانمارش ده ؟ ده اسم منطقة و الا اسم عفريت

عاين بنفسك

http://www.youm7.com/News.asp?NewsID=382769&SecID=89